Grillið er oft á tíðum nefnt “hornskrifstofa með útsýni” af okkur sem dveljum hér til langframa á áttundu hæð Radisson BLU Hótel Sögu í Vesturbænum. Allt frá opnun árið 1962 höfum við verið fordekruð af hinu stórbrotna útsýni yfir borgina, fjallgörðum og hafinu í okkar norðlægustu höfuðborg heims. Við erum sérfróðir fagmenn þegar kemur að íslenskri matargerð og íslenskum hráefnum enda með rúmlega 50 ára reynslu.

Okkar sögulegi bakgrunnur og staðsetning innan borgarinnar hefur gert okkur sérlega vel þekkt meðal borgarbúa og landsmanna. Vesturbær Reykjavíkur er, eins og alkunna er, hljóðlátt og sjarmerandi hverfi sem sameinar íbúabyggð, Háskóla Íslands og Þjóðminjasafnið á einum og sama stað í sátt og samlyndi við náttúruna og æðri máttarvöld.

Radisson Blu Hótel Saga er í þann mund að innleiða nýja nálgun hvað varðar mat og drykk undir áhrifum frá upprunanum og eigendum, Bændahöllinni og bændunum sjálfum.

Við leggjum ríka áherslu á samband okkar við bændur landsins með því að hafa íslenskt hráefni í forgrunni í aðal- sem og aukahlutverkum í okkar matseðlum. Uppruni þess hráefnis sem við notum er vottaður þar sem við trúum á að það auki gæði matarins, til góða fyrir okkar gesti, innlenda sem erlenda. Við erum einnig stolt að segja frá því að allar þær mjólkurvörur sem við notum koma fá Örnu og eru því laktósafríar.



Yfirmatreiðslumaður Grillsins er hann Sigurður Laufdal en hann hóf störf hjá okkur þann 1. september síðastliðinn. Áður var hann starfandi á Geranium þriggja stjörnu Michelin veitingahúsi í Kaupmannahöfn. Þar á undan bjó hann í Helsinki þar sem hann starfaði á veitingastaðnum OLO sem er einna stjörnu Michelin staður. Hann hefur unnið keppnina Matreiðslumaður ársins hér á landi og keppt í Bocuse d'Or fyrir Íslands hönd.

Við erum sérlega stolt að segja frá því að það er ekki einvörðungu fólkið í brúnni sem eru sérlegir snillingar í sínu fagi heldur hafa aðrir starfsmenn einnig hlotið hinar ýmsu viðurkenningar fyrir störf sín. Hjá okkur starfa einnig nemar, bæði í framreiðslu og matreiðslu og fá þeir alla þá örvun til landvinninga sem okkur er fært. Sem dæmi þá höfum við innan okkar herbúða sem stendur Kokk ársins 2016, Denis Grbic, Thelmu Hlynsdóttur, sigurvegara norrænu nemakeppninnar í framreiðslu 2016,  sem og matreiðslu- og framreiðslu nema ársins 2017, Hinrik Lárusson & Sigurð Borgar.

Á Grillinu lofum við ekki einvörðungu hið stórkostlega útsýni yfir Reykjavík og nágrenni heldur einsetjum við okkur að gera okkar ýtrasta til að upplifunin verði sem eftirminnilegust hvað mat, drykk og þjónustu varðar. Íslensk matargerð – SKEMMTILEG OG FERSK!